Kryšcijanu Ranałdu zabiŭ 981‑y hoł u karjery
Da viečnaha rekordu zastałosia 19 miačoŭ.
Fota: Abdullah Ahmed/Getty Images
Učora partuhalski forvard zabiŭ za saudaŭski «Al-Nasr» u Lizie čempijonaŭ. Jaho kłub pieramoh «Nieftčy» ź Fierhany (Uźbiekistan) 3:1.
KR vystupaje za «Al-Nasr» sa studzienia 2023 hoda i maje za kłub 134 hały i 23 halavyja pasy.
A naohuł za 23‑hadovuju karjeru miehazorka suśvietnaha futbołu zabiŭ 981 miač.
U Lijaniela Miesi 934 miačy, u Piele było 762.
Što da hulcoŭ, jakija pakul vystupajuć, to ŭ palaka Robierta Levandoŭskaha 707 hałoŭ. Ale jon voś-voś skončyć karjeru. Łuisa Suaresa — 615, ale ŭruhvajec taksama chutka skončyć karjeru, u Karyma Bienziemy — 524.
Što da tych, chto nie źbirajecca viešać bucy na ćvik i znachodzicca ŭ roskvicie sił: Chary Kiejn maje 523 hały. Kilijan Mbape — 426 hałoŭ, Erlinh Chołand — 335.
Tak što adna z hałoŭnych intryh hetaha futbolnaha siezona — jak chutka Kryšcijanu Ranałdu zabje tysiačny hoł u karjery i ŭstanović viečny rekord.