Hamielčuka sudzili za vialiki chabar. Samaje cikavaje, jak jon jaho patraciŭ
Načalnik adździeła homielskaha pradpryjemstva atrymaŭ siem hadoŭ kałonii. Ale jamu dakładna budzie što ŭspomnić.
Małpa z płastykavaj butelkaj kala staražytnaha chrama ŭ Łapbury, Tajłand. Fota: vecteezy.com
Jak ustanaviŭ sud, mužčyna atrymlivaŭ hrošy za prasoŭvańnie intaresaŭ niekalkich kampanij pry zaklučeńni damoŭ na pastaŭku pradukcyi.
Za atrymanyja ŭ chabar hrošy mužčyna zvaziŭ žonku ŭ Tajłand. Tolki tur na dvaich kaštavaŭ nie mienš za 180 tysiač rubloŭ (kala 60 tysiač dalaraŭ).
U sudzie abvinavačany całkam pryznaŭ vinu. Jamu pryznačyli siem hadoŭ kałonii ŭzmocnienaha režymu i štraf u pamiery 1000 bazavych vieličyń — 45 tysiač rubloŭ. Jašče 3000 dołaraŭ kanfiskavali ŭ dachod dziaržavy.
Prysud pakul nie ŭstupiŭ u zakonnuju siłu i moža być abskardžany.