Ašukancy durać školnikaŭ praz falšyvyja sajty z hatovymi chatnimi zadańniami
Siłaviki papiaredžvajuć pra novuju schiemu machlarstva, achviarami jakoj stanoviacca niepaŭnaletnija. Złamyśniki karystajucca žadańniem dziaciej chutka vykanać chatniaje zadańnie, kab atrymać dostup da ich asabistych danych i hrošaj baćkoŭ.
Zdymak ilustracyjny. Fota: magnific.com
Schiema pačynajecca z pošuku ŭ internecie hatovych adkazaŭ na školnyja zadańni. Padletak pierachodzić na falšyvy sajt, jaki vyhladaje jak zvyčajny adukacyjny resurs. Kab atrymać dostup da rašeńniaŭ, sajt prapanuje zarehistravacca i ŭvieści numar mabilnaha telefona, proźvišča, imia, imia pa baćku, datu naradžeńnia i miesca žycharstva. Dzieci časta nie zadumvajucca, što hetyja źviestki mohuć vykarystać suprać ich.
Paśla rehistracyi ŭ spravu ŭstupajuć machlary. Jany telefanujuć dziciaci, pradstaŭlajucca dyrektaram škoły abo nastaŭnikam i patrabujuć dasłać kod z SMS ci inšyja kanfidencyjnyja danyja nibyta dla aktyvacyi elektronnaha dziońnika.
Atrymaŭšy dostup da akaŭntaŭ abo asabistaj infarmacyi, złamyśniki pačynajuć manipulavać dziećmi. Ich meta — prymusić niepaŭnaletnich da złačynnych dziejańniaŭ, naprykład pieradavać hrošy abo afarmlać kredyty, a zatym vymańvać srodki ŭ baćkoŭ.
Kab abaranić dziaciej ad kibiermachlaroŭ, siłaviki rajać baćkam razmaŭlać ź imi pra biaśpieku ŭ internecie. Važna rastłumačyć, što nielha paviedamlać nieznajomcam asabistyja źviestki, kody z SMS i paroli.
Baćkam taksama rekamiendujuć kantralavać, jakija sajty naviedvaje dzicia, i ŭstalavać srodki baćkoŭskaha kantrolu.
Čytajcie taksama:
U Minsku 13‑hadovuju školnicu machlary prymusili vynieści z domu baćkoŭskija źbieražeńni
U machlaroŭ novaja schiema ad imia kłapatlivych susiedziaŭ. Zamanucha — nadziejnaja
Minski taksist raspracavaŭ chitruju schiemu, pa jakoj amal zadarma zavałodaŭ 12‑ciu aŭtamabilami