Rasija ranicaj masava ŭdaryła balistykaj pa Ukrainie
Ranicaj 14 kastryčnika Rasija naniesła masiravany ŭdar pa Ukrainie balistyčnymi rakietami. Asnoŭnaj metaj staŭ Kijeŭ.
Taksama rakiety lacieli ŭ napramku Žytomira, Biełaj Carkvy i Pałtavy, a vybuchi hučali ŭ Charkavie i Dniapry, paviedamlaje RBK-Ukraina.
«Abvieščana pavietranaja tryvoha ŭ suviazi z rakietnaj pahrozaj. Zaklikajem žycharoŭ horada prajści ŭ najbližejšyja schoviščy», — paviedamili ŭ Kijeŭskaj haradskoj vajennaj administracyi.
Pieršyja puski balistyčnych rakiet u napramku stalicy Pavietranyja siły zafiksavali a 04:39. Nieŭzabavie vybuchi prahrymieli ŭ Kijevie i vobłaści, a paśla paviedamleńnia pra jašče adnu chutkasnuju cel paŭtarylisia. Rakiety taksama ruchalisia ŭ napramku Žytomira, Biełaj Carkvy i Pałtavy. Akramia taho, vybuchi prahrymieli ŭ Charkavie i Dniapry.
Kala pałovu na šostuju była zafiksavanaja novaja chvala rakiet, jakija ruchalisia ŭ napramku Kijeva. Siarod ich byli balistyčnyja rakiety. Paśla hetaha ŭ stalicy znoŭ prahrymieli vybuchi. Amal adnačasova rakiety źjavilisia nad Charkaŭskaj vobłaściu, častka ź ich lacieła na Charkaŭ.
Mer Kijeva Vital Kličko paviedamiŭ, što padčas ataki Rasija naniesła ŭdary pa niekalkich enierhietyčnych abjektach stalicy. Adklučeńni śviatła zafiksavanyja ŭ piaci rajonach stalicy Ukrainy.