ZŠA razhladajuć mahčymaść źmiakčyć sankcyi suprać sudnaŭ «cieniavoha fłotu»
Jon pieravozić naftu i naftapradukty z Rasii, Irana i Vieniesueły
Bieły dom. Fota: Walter Bibikov / Getty Images
Administracyja Donalda Trampa razhladaje mahčymaść źmiakčyć sankcyi suprać sudnaŭ «cieniavoha fłotu», jakija pieravoziać naftu i naftapradukty z Rasii, Irana i Vieniesueły. Pra heta paviedamlaje Reuters sa spasyłkaj na krynicy.
Pavodle źviestak ahienctva, u ZŠA abmiarkoŭvajuć mahčymaść dazvolić pieravozku z dapamohaj «cieniavoha fłotu» nafty, jakaja nie padpadaje pad sankcyi. Meta zaklučajecca ŭ tym, kab zabiaśpiečyć vyvaz bolšych abjomaŭ naftapraduktaŭ i syroj nafty ź Piersidskaha zaliva, paviedamiŭ amierykanski čynoŭnik.
Kampanii, jakija zachočuć vykarystoŭvać sudny, što znachodziacca pad sankcyjami, pavinny buduć źviartacca pa dazvoł u Ministerstva finansaŭ ZŠA, paviedamiła krynica Reuters.
U Ministerstvie enierhietyki ZŠA zapeŭnili ahienctva, što lubyja kroki pa źmiakčeńni sankcyj suprać «cieniavoha fłotu» nie dapamohuć Rasii pieravozić naftu abo naftapradukty.