U Baranavičach prablema: ludzi i žyvioły pakidajuć fiekalii ŭ padjezdach i liftach, a kamunalniki za imi admaŭlajucca prybirać
Źjava nabyła taki maštab, što temu padniała rajonka.
Apošnim časam u Baranavičach pačaścilisia vypadki, kali ŭ miescach ahulnaha karystańnia šmatkvaternych damoŭ — na leśvičnych placoŭkach, u liftach — źjaŭlajucca ślady žyćciadziejnaści. Pryčym jak chatnich žyvioł, tak i samich ludziej, piša «Naš kraj».
Prybirańniem u padjezdach zajmajucca rabotniki ŽESaŭ. «Heta zvyčajnyja ludzi, jakija prychodziać padmieści, prybrać pył, pamyć padłohu — padtrymlivajuć elemientarny paradak», — nahadvaje vydańnie.
— U ich abaviazki nie ŭvachodzić likvidacyja nastupstvaŭ čužoj niavychavanaści, — kaža namieśnica načalnika ŽREU Anastasija Jeŭsiejeva. — Prybiralščyki nie pavinny i nie abaviazanyja prybirać fiekalii za niadbajnymi haściami abo chatnimi hadavancami. Rabotniki kamunalnych słužbaŭ — nie prysłuha dla tych, chto pierastupaje miežy prystojnaści. Davajcie pavažać čužuju ciažkuju pracu i zastavacca ludźmi, pavažać susiedziaŭ. Kali vaš hadavaniec nie datryvaŭ da vulicy, kali łaska, prajavicie hramadzianskuju adkaznaść i prybiarycie samastojna.
Jak kažuć u ŽREU, situacyja z ekskremientami ŭ niekatorych padjezdach pierachodzić usie miežy.
«Ale jašče bolš uražvaje cynizm, ź jakim niekatoryja žychary sprabujuć heta apraŭdać. Rabić zaŭvahi niama sensu: u adkaz hučyć standartnaja adhavorka, što čałaviek płacić pavodle žyroŭki, a prybiralščyca atrymlivaje za heta hrošy i abaviazanaja prybirać», — piša rajonka.
— U taryfy ŽREU ŭvachodzić padtrymańnie čyścini: pamyć padłohu ad pyłu i brudu, padmieści, pracierci vokny. Tam niama i nie moža być punkta «likvidacyja čałaviečych i sabačych fiekalijaŭ», — kaža Anastasija Uładzimiraŭna.
«Tak ci inakš, hrošy ŭ žyroŭcy nie dajuć prava hublać čałaviečaje abličča i pieratvarać ahulny dom u hramadskuju prybiralniu», — pierakonvaje rajonka.
U kamientarach da publikacyi znajšłosia miesca i abureńniu, i ironii:
«Naviny, vartyja horada, ažno honar biare za rodnyja miaściny».
Častka čytačoŭ prapanuje jašče bolš pastavić kamier. «Kamiery nie dapamohuć. Upaŭ uzrovień kultury…» — upeŭnienyja inšyja.
Była i jašče bolš hruntoŭnaja prapanova: vyznačać vinavatych praz analiz DNK.
A adna z čytačak napisała, što padobnaja prablema jość i ŭ Hrodnie:
«Heta, padobna, novy trend siarod moładzi. U nas na leśvičnaj placoŭcy taksama adbyvajecca takoje. Pryčym u duchmianuju kuču jašče i zapiski ŭkładajuć z pasłańniami. Hrodna».