Pačobut znoŭ płanuje pryjechać u Biełaruś
Hetym razam u śniežni.
Fota: Lookby.Media
Polski žurnalist i aktyvist zajaviŭ pra namier viarnucca ŭ Biełaruś u śniežni. Pra heta jon raskazaŭ padčas sustrečy sa studentami Łodzinskaha ŭniviersiteta, dzie havaryŭ pra represii, dziaržaŭnuju prapahandu i manipulacyi historyjaj z boku biełaruskich uładaŭ, paviedamlaje Biełaruskaja słužba Polskaha radyjo.
Pavodle aktyvista, paśla 2020 hoda mahčymaści dziejnaści Sajuza palakaŭ u Biełarusi istotna skaracilisia. Adnak jon spadziajecca, što palityka zachodnich krain dapamoža pašyryć prastoru dla dziejnaści polskaj mienšaści ŭ Biełarusi.
U 2023 hodzie Pačobuta asudzili na vosiem hadoŭ kałonii strohaha režymu. Jon byŭ vyzvaleny ŭ krasaviku hetaha hoda, pravioŭšy za kratami 1 860 dzion.
U vieraśni Pačobut źjeździŭ u Biełaruś na tydzień i biez prablem viarnuŭsia ŭ Polšču.