Unačy mocna hareŭ internat na praśpiekcie Puškina ŭ Minsku
Adzin mužčyna zahinuŭ.
Ratavalniki ŭnačy likvidavali pažar u internacie na praśpiekcie Puškina ŭ Minsku, paviedamlaje MNS.
Viadoma, što z akna na 6‑m paviersie išoŭ dym. U pakoi, dzie adbyvaŭsia pažar, biez prytomnaści znajšli mužčynu i žančynu. Ich pieradali miedykam.
Paśla reanimacyjnych mierapryjemstvaŭ paciarpiełaja pryjšła ŭ prytomnaść. Jaje špitalizavali. Miedyki kanstatavali śmierć mužčyny.
Z-za mocnaha zadymleńnia ŭźnikła pahroza žyćciu i zdaroŭju žycharoŭ susiednich i vyšejšych pavierchaŭ. Rabotniki MNS vyratavali 11 čałaviek, u tym liku piaciarych dziaciej. Nichto ź ich nie paciarpieŭ. Taksama ratavalniki evakujavali jašče 40 čałaviek.
Na miescy zdareńnia pracavali 12 adzinak techniki, paviedamlaje MNS.