Źnik biełarus, jaki źbiraŭsia lacieć z Aŭstryi na kancert Karža ŭ Frankfurcie

22‑hadovy biełarus Daniił Sanin źnik pa darozie z Aŭstryi ŭ niamiecki Frankfurt-na-Majnie, kudy źbiraŭsia na kancert Maksa Karža. Pra źniknieńnie svajho brata 14 kastryčnika paviedamiła biełaruska Nastaśsia Sanina.

Z 9 kastryčnika, kali jon pavinien byŭ vylecieć, chłopiec nie vychodzić na suviaź. Jahony telefon adklučany, a ciapierašniaje miescaznachodžańnie nieviadomaje.

Daniił žyŭ i pracavaŭ u polskim Płocku, a ŭ Frankfurcie jaho čakali siabry.

Pošuki padtrymlivajuć prychilniki Maksa Karža: jany raspaŭsiudžvajuć abviestki ŭ roznych čatach i supołkach. Infarmacyju pra źniknieńnie taksama apublikavaŭ pošukava-vyratavalny atrad «Anioł».

Daniił Sanin maje rost 187 santymietraŭ, spartyŭny ciełaskład i błakitnyja vočy. Na pravaj ruce ŭ jaho tatuiroŭka ź ijerohlifami i kvietkami, na śpinie — sa źmiajoj i kinžałam. Nad vierchniaj huboj jość šnar. Kali mužčyna chvalujecca, jon zaikajecca.

Kamientary da artykuła