Na froncie zahinuŭ były hulec zbornaj Ukrainy pa futbole Raman Maksimiuk
Były futbalist źnik bieź viestak jašče ŭ pačatku 2025 hoda. Zaraz paćvierdziłasia, što jon zahinuŭ.
Były hulec zbornaj Ukrainy pa futbole Raman Maksimiuk zahinuŭ na froncie. Pra heta ŭ piatnicu, 16 kastryčnika, paviedamiła žonka spartsmiena Viera Maksimiuk u sacyjalnych sietkach, piša korrespondent.net.
Maksimiuk dobraachvotna dałučyŭsia da šerahaŭ Uzbrojenych sił Ukrainy ŭvosień 2022 hoda. Eks-futbalist abaraniaŭ Ukrainu ŭ składzie 25‑j Sičasłaŭskaj desantna-šturmavoj bryhady DŠV USU.
Apošni raz Maksimiuk vychodziŭ na suviaź 30 studzienia 2025 hoda. Jon papiaredziŭ žonku, što znachodzicca na pazicyi na Pakroŭskim kirunku. Paśla hetaha suviaź ź im pierarvałasia.
«Prašu pamiatać majho Romu. Jon byŭ nie prosta źnikłym bieź viestak. Jon byŭ mužam, baćkam, synam, siabram. Čałaviekam, jakoha lubili i čakali», — havorycca ŭ paviedamleńni Viery Maksimiuk.
U 1998—2002 hadach jon pravioŭ piać matčaŭ za nacyjanalnuju zbornuju Ukrainy. U 2000 hodzie staŭ čempijonam Ukrainy i ŭładalnikam nacyjanalnaha Kubka ŭ składzie kijeŭskaha «Dynama».
Bolš za ŭsio ŭ kłubnaj karjery Maksimiuk vystupaŭ za «Vałyń» i «Dniapro», pravioŭšy bolš za 100 matčaŭ za kožny z hetych kłubaŭ. Taksama jon pradstaŭlaŭ «Prykarpaćcie», čarnavicki «Kryštal» i «Čarnamorac». Skončyŭ karjeru futbalista ŭ 2011 hodzie.