Spyniena dziejnaść bujnoj machlarskaj sietki, u jakuju ŭvachodzili bolš za 80 čałaviek
Pavodle źviestak MUS, złamyśniki padmanvali biełarusaŭ pa telefonie, pradstaŭlajučysia supracoŭnikami roznych arhanizacyj (pošty, ŽKH, paliklinik) i siłavych orhanaŭ.
Z pačatku hoda ŭ milicyju pačało pastupać usio bolš paviedamleńniaŭ pra kradziažy bujnych sum.
Schiema była znajomaj: čałavieku telefanavali nibyta ź jakoj-niebudź arhanizacyi abo siłavoha viedamstva, a zatym z dapamohaj psichałahičnaha cisku pierakonvali pieradać svoj aščadak.
Vyvučajučy padobnyja vypadki, apieratyŭniki vyjavili suviazi pamiž udzielnikami machlarskich schiem u roznych rehijonach krainy. Pastupova ŭdałosia vyjavić cełuju sietku, u jakoj kožny mieŭ svaju rolu.
Pavodle infarmacyi MUS, u hrupu ŭvachodzili bolš za 80 čałaviek. Ślady viali ŭ adzin z haradoŭ u Bresckaj vobłaści
Siarod ich byli kurjery, dropy (ludzi, praz rachunki jakich prachodziać čužyja hrošy) i śpiecyjalisty, jakija adkazvali za pracu abstalavańnia.
Siłaviki taksama ŭstanavili arhanizataraŭ i kurataraŭ schiemy, jakija znachodziacca na terytoryi susiedniaj dziaržavy. U vyniku apieracyi kanfiskavali abstalavańnie koštam bolš za 60 tysiač rubloŭ.
Pavodle acenki MUS, udałosia praduchilić kradziažy na sumu bolš za 10 miljonaŭ rubloŭ i abaranić ad machlaroŭ bolš za dźvie tysiačy čałaviek.