Dzicia na ŭlik, a baćkam štraf? U niekatorych školnikaŭ na elektrasamakatach mohuć być prablemy
Da 14 hadoŭ jeździć na samakacie biez pryhladu darosłych nielha.
Fota: av.by
U školnikaŭ, jakija niapravilna jeździać na elektrasamakatach, i ich baćkoŭ mohuć być prablemy.
Tak, DAI ŭ kastryčniku pravodziła rejd kala škoły №2 u Fanipali. Spynili dvuch chłopčykaŭ na elektrasamakatach — abodvum było mienš za 14 hadoŭ. Ich baćkoŭ paśla vyklikali ŭ škołu. Inšyja vučni, ubačyŭšy inśpiektara, razvaročvalisia abo abjazdžali škołu, raskazvaje av.by.
DAI nahadvaje, što dzieciam da 14 hadoŭ nielha samastojna kiravać elektrasamakatam na darozie biez supravadžeńnia darosłaha. Vyklučeńnie — žyłyja zony.
Taksama zabaroniena jeździć udvaich na adnym samakacie. Dazvolenaja chutkaść — nie bolš za 25 km/h, a ŭ nasielenych punktach nie bolš za 10 km/h, akramia vieładarožak i prajeznaj častki tam, dzie heta dazvolena.
Načalnik ahitacyi i prapahandy DAI UUS Minabłvykankama Pavieł Kułakoŭ kaža, što hałoŭnaja meta ich rejdaŭ — prafiłaktyka.
Ale kali školnika złoviać na parušeńni pravił adnoj hutarkaj sprava moža nie skončycca. DAI vyśviatlaje abstaviny, źviazvajecca z baćkami i pieradaje materyjały ŭ kamisiju pa spravach niepaŭnahadovych. Kali dziciaci da 14 hadoŭ, to baćkam moža pahražać sprava pa č. 1 art. 10.3 KaAP (nievykanańnie abaviazkaŭ pa vychavańni dziaciej) i štraf da 10 bazavych vieličyń. Kamisija moža abaviazać ich uzmacnić kantrol, naprykład nie puskać dzicia na vulicu biez darosłych u peŭny čas.
Dzicia mohuć pastavić i na ŭlik u milicyju.