Rubia zajaviŭ pra prahramny zboj u sistemie rańniaha papiaredžańnia Ukrainy
Dziaržsakratar ZŠA Marka Rubia paviedamiŭ, što prablema ŭźnikła niekalki načej tamu. Pavodle jaho, jaje vyvučeńniem zajmajecca Jeŭrapiejskaje kamandavańnie ZŠA.
Skryn videa
«Ja viedaju, što niekalki načej tamu była prahramnaja prablema, źviazanaja ź ich sistemaj rańniaha papiaredžańnia», — skazaŭ jon.
Tym časam «Radyjo Svaboda» sa spasyłkaj na ŭkrainskija krynicy paviedamiła, što pierad balistyčnaj atakaj na Kijeŭ u noč na 19 kastryčnika Ukraina znoŭ nie atrymała papiaredžańnia ad partnioraŭ.
Rubia adkazaŭ, što dakładna nie viedaje, što adbyłosia minułaj nočču. «Ja nie viedaju, što adbyłosia minułaj nočču. Niekalki načej tamu ŭźnikła prahramnaja prablema, źviazanaja ź sistemaj rańniaha papiaredžańnia Ukrainy. Jeŭrapiejskaje kamandavańnie US ZŠA vyvučaje hetaje pytańnie. Ja nie mahu kamientavać toje, što adbyłosia minułaj nočču», — adkazaŭ Rubia.
Jon padkreśliŭ, što ZŠA nie pierastali pieradavać Ukrainie raźviedvalnyja danyja.
U vyniku rasijskich udaraŭ pa Kijevie ŭnačy 19 kastryčnika zahinuła 21‑hadovaja dziaŭčyna, paškodžanyja damy, kramy, infrastruktura mietro.