Vychodzić fentezijnaja apovieść Stasa Iljina
Inicyjatyva Rozum.Media anansavała vychad knihi «Vodbliski K» Stasa Iljina. Ciapier možna zrabić papiaredniuju zamovu na fentezijnuju apovieść sa źnižkaj praz sajt vodbliski.rozum.media, piša bellit.info.
«Hieroi apovieści sprabujuć razabracca ŭ tym, što adbyvajecca, i krok za krokam ruchajucca dalej. Časam — śviadoma, časam — amal navobmacak. Jany šukajuć adkazy, budujuć viersii, pamylajucca i pačynajuć usio spačatku. I čym bolš daviedvajucca, tym ciažej zrazumieć, dzie sapraŭdy varta šukać razhadku», — havorycca ŭ anatacyi.
U tvory surjoznaja razmova moža skončycca poŭnaj łuchtoj, hienijalnaja teoryja — čarhovaj katastrofaj, a toje, što jašče chvilinu tamu vyhladała absalutna niemahčymym, raptam stanovicca častkaj nastupnaj pryhody. Hieroi spračajucca, žartujuć, pamylajucca, budujuć nievierahodnyja viersii i ratujuć adzin adnaho ad nastupstvaŭ ułasnych rašeńniaŭ. Mistyka susiedničaje z absurdam, niebiaśpieka — z humaram, a za nastupnym pavarotam moža čakać litaralna što zaŭhodna.