Rasija znoŭ atakavała Instytut kardyjałohii ŭ Kijevie

Rasija ŭžo druhi raz atakavała kijeŭski Instytut kardyjałohii imia akademika Mikałaja Stražeski, dzie lečać ludziej z zachvorvańniami serca. Zahinułych niama, adnak adzin pacyjent atrymaŭ lohkija traŭmy. Jamu akazvajuć nieabchodnuju dapamohu. Pra heta paviedamili premjer-ministr Ukrainy Siarhiej Karecki i ministr achovy zdaroŭja Viktar Laško, piša «Ukrainskaja praŭda».

Fota: facebook.com/viktor.liashko

U vyniku ŭdaru była źniščanaja apieracyjnaja, raźmieščanaja na šostym paviersie budynka.

«Miedycynskija ŭstanovy abaronienyja mižnarodnym humanitarnym pravam. Niahledziačy na heta, Rasija znoŭ atakuje miescy, dzie ratujuć žyćci. I jana pavinna adkazać za hety teror», — zajaviŭ Viktar Laško.

Fota: facebook.com/viktor.liashko

Instytut užo paciarpieŭ ad rasijskaj ataki raniej. 28 vieraśnia 2025 hoda budynak byŭ paškodžany padčas kambinavanaha ŭdaru pa Kijevie. Najbolšyja razbureńni tady zakranuli adździaleńni na trecim, čaćviortym i piatym pavierchach, u tym liku adździaleńnie endakrynnaj kardyjałohii i dyślipidemii, a taksama adździaleńnie chraničnaj išemičnaj chvaroby serca.

Fota: facebook.com/viktor.liashko

U vyniku toj ataki zahinuli dvoje čałaviek — pacyjent i 50‑hadovaja miedsiastra Aksana Kaciaruša.

Kamientary da artykuła