«Anłajnieru» vynieśli papiaredžańnie
Ministerstva antymanapolnaha rehulavańnia i handlu (MARH) vyniesła papiaredžańnie TAA «Jandeks Rekłama». Nahodaj stała vyjaŭleńnie na sajcie «Anłajniera» rekłamy kaśmietyki marki Nivea, prodaž jakoj zabaronieny ŭ Biełarusi.
«U miežach razhladu zvarotu hramadzianina MARH vyvučyła mabilnuju viersiju infarmacyjnaha anłajn-resursu «Anłajnier» i ŭstanaviła, što ŭ kancy artykułaŭ u raździełach «Aŭto» i «Technałohii» raźmiaščałasia rekłama prodažu kaśmietyčnych tavaraŭ, u tym liku pradukcyi handlovaj marki Nivea, uvoz i realizacyja jakoj zabaronienyja», — havorycca ŭ paviedamleńni.
TAA «Anłajnier» atrymała papiaredžańnie ab likvidacyi parušeńnia, jakoje było vykanana ŭ poŭnym abjomie.
Rekłamadaŭcam akazałasia TAA «Jandeks Rekłama». Hetaj jurydyčnaj asobie vynieśli papiaredžańnie pra «niedapuščalnaść parušeńnia zakanadaŭstva ab rekłamie i nieabchodnaść pryniaćcia mier, nakiravanych na vyklučeńnie padobnych vypadkaŭ u dalejšym».
U MARH taksama nahadali, što za nievykanańnie pradpisańnia ab likvidacyi parušeńnia, a taksama za vydaču dvuch i bolš pradpisańniaŭ na praciahu hoda raspaŭsiudžvalnik rekłamy moža być vyklučany z Rejestra raspaŭsiudžvalnikaŭ rekłamy.