Rasija bolš čym na 10% skaraciła impart biełaruskich jajek
Z 1 studzienia pa 2 kastryčnika 2026 hoda Rasija impartavała 542 miljony kurynych jajek, amal usie jany pastupili ź Biełarusi. Adnak u paraŭnańni z anałahičnym pieryjadam minułaha hoda abjom impartu skaraciŭsia na 10,1%, piša «Kommiersant».
Zdymak ilustracyjny. Fota: «Naša Niva»
U Ministerstvie sielskaj haspadarki Rasii zajavili, što rost ułasnaj vytvorčaści dazvalaje całkam zabiaśpiečvać patreby ŭnutranaha rynku. Tamu źmianšeńnie impartu, pavodle infarmacyi viedamstva, nie stvaraje ryzykaŭ dla stabilnaha zabieśpiačeńnia spažyŭcoŭ. Pry hetym rasijskija vytvorcy jajek sami pastaŭlajuć svaju pradukcyju za miažu.
U studzieni — vieraśni 2026 hoda Rasija ekspartavała 253,2 miljona jajek — na 8,6% bolš, čym za taki ž pieryjad minułaha hoda. Najbujniejšym kupcom rasijskich jajek staŭ Kyrhyzstan. Za im iduć Manholija, Abjadnanyja Arabskija Emiraty i samaabvieščanaja Abchazija.
Čytajcie taksama:
U Biełarusi chutka pačnuć pradavać błakitnyja i zialonyja jajki
Stała viadoma, pa jakich charčovych tavarach u Biełarusi faktyčna niama impartu