U Biełarusi źniali błakiroŭku trafiku z-za miažy
Abmiežavańni byli ŭviedzienyja viečaram u sieradu.
Siońnia ranicaj błakiroŭku źniali, paviedamlaje hoster.by.
Uviečary 21 kastryčnika ŭ Biełarusi ŭviali abmiežavańni na ŭvachodny trafik, jaki nie naležyć da nacyjanalnaha siehmienta sietki Internet. Pryčynaj abmiežavańniaŭ stali krytyčnyja ŭraźlivaści PHP, vyjaŭlenyja napiaredadni.
Pavodle danych hoster.by, byli vyjaŭlenyja dźvie krytyčnyja ŭraźlivaści, jakija mahli dazvolić złamyśnikam vykanać škodnasny kod na veb-sierviery. Kožnaja ź ich atrymała acenku 9,2 bała z 10 i mahła zakranuć sajty na bolšaści sučasnych sistem kiravańnia źmieścivam (CMS).
Pa stanie na 9:45 čaćviarha, 22 kastryčnika, abnaŭleńni PHP z vypraŭleńniami ŭraźlivaściaŭ dla klijentaŭ virtualnaha chostynhu byli ŭstalavanyja, zapeŭnili ŭ kampanii.
Abnaŭleńni biaśpieki vyjšli dla nastupnych halin PHP: 7.4, 8.0, 8.1, 8.2, 8.3, 8.4 i 8.5.
Časovuju błakiroŭku źniešniaha trafiku źniali, a dostup da servisaŭ adnavili ŭ štatnym režymie.
Pry hetym u kampanii papiaredzili, što termin padtrymki viersii 8.2 chutka skončycca.
Klijentam rekamiendujuć pierachodzić na PHP 8.3 abo naviejšyja viersii.
«Abaviazkova praviercie sumiaščalnaść vašaha sajta z abranaj viersijaj PHP pierad ustalavańniem abnaŭleńnia biaśpieki. Kali niama mahčymaści abnavić prajekt da viersii, sumiaščalnaj z PHP 8.3+, dapuskajecca vykarystoŭvać dla likvidacyi ŭraźlivaści viersii PHP 7.4, 8.0, 8.1, 8.2, vypuščanyja 21 kastryčnika 2026 hoda», — dadali śpiecyjalisty hoster.by.
PHP vykarystoŭvajecca dla stvareńnia sajtaŭ, u tym liku na sistemach kiravańnia źmieścivam «1S-Bitryks», WordPress, Drupal i Joomla. Praściej kažučy, heta adny z samych papularnych płatformaŭ dla stvareńnia sajtaŭ va ŭsim śviecie.