«Biełavija» pierachodzić na zimovy raskład
«Biełavija» pierachodzić na zimovy raskład palotaŭ z 25 kastryčnika, pasažyraŭ čakaje šerah źmianieńniaŭ paviedamiła avijakampanija.
Z 25 kastryčnika adkryvajecca novy rehularny napramak palotaŭ — rejs Minsk — Banhkok, jaki dapamoža paznajomicca z rytmam žyćcia stalicy Tajłanda.
Akramia taho, viartajecca šerah napramkaŭ. Z 27 kastryčnika adnaŭlajucca paloty na Šry-Łanku pa maršrucie Minsk — Matała z častatoj adzin raz na tydzień.
Z 29 kastryčnika buduć vykonvacca rehularnyja rejsy Minsk — Pchukiet dvojčy na tydzień.
Z 30 kastryčnika adnaŭlajucca rejsy ŭ aeraport Maskoŭskaha rehijona (Minsk — Žukoŭski).
Karektujecca raskład rejsaŭ Minsk — Batumi: z 17 listapada «Biełavija» pierachodzić na dzionnyja rejsy, paloty buduć vykonvacca dvojčy na tydzień.
Taksama zastajucca paloty ŭ jehipieckija Churhadu i Šarm-eš-Šejch, vjetnamski vostraŭ Fukuok.