Ad palicaja da telezorki: z historyi adnoj siamji biełarusaŭ u Brytanii

Viadomy brytanski šoŭ-men Piter Serafinovič i jaho dzied Symon Sierafinovič z Zachodniaj Biełarusi

Napisaŭ dla biełaruskaj Vikipedyi artykuł pra brytanskaha šoŭmena i komika Pitera Serafinoviča, čyim hołasam u pieršaj seryi «Star Wars» pramaŭlaŭ hałoŭny złodziej Dart Maŭł.

Serafinovič naradziŭsia ŭ Liverpule, u 1993 hodzie pryjšoŭ na radyjo, praź niekalki hadoŭ — na televiziju. Z taho času źniaŭsia ŭ bieźlič teleseryjałaŭ, vioŭ šoŭ na TV i radyjo, ahučvaŭ reklamu.

A jahonaha dzieda, pavodle infarmacyi ŭ internecie, zvali Symon Sierafinovič (albo Sierafimovič), jon žyŭ u Zachodniaj Biełarusi, paśla vajny asieŭ u Vialikaj Brytanii. Asabliva aktyŭna ŭ žyćci biełaruskaj dyjaspary nia ŭdzielničaŭ, naležaŭ da pro-BCRaŭskaj frakcyi paśla raskoła na prychilnikaŭ BNR i BCR, byŭ udzielnikam biełaruskaj vajskovaj nacyjanalistyčnaj arhanizacyi «Biełaruski vyzvolny ruch». U 1990-ja hady byŭ abvinavačany ŭ tym, što padčas niamieckaj akupacyi słužyŭ u palicyi i ŭdzielničaŭ u źniščeńni habrejskaha nasielnictva ŭ vakolicach Mira, ale praz drenny stan zdaroŭja nia byŭ asudžany.

Voś tak.

Kamientary da artykuła