Mitynhi dva razy na tydzień — paśpiachovaja taktyka jehipieckich demanstrantaŭ
Demanstranty ŭ Kairy vybrali cikavuju taktyku. Jany pravodziać vialikija mitynhi dvojčy na tydzień.U piatnicy — vychadny dzień i dzień malitvy ŭ musulmanaŭ. I ŭ aŭtorak — mitynhi pačalisia dva tydni tamu mienavita ŭ aŭtorak. Astatnija dni na Płoščy zachoŭvajecca namiotavaje miastečka, źbirajucca achvotnyja. Hetki rytm dazvalaje ludziam abrablacca sa zvykłymi žyćciovymi spravami.
U aŭtorak na čarhovuju manifiestacyju sabralisia sotni tysiač ludziej. Pieršyja demanstracyi dva tydni tamu jehipiecki śpiecnaz i śpiecsłužby sprabavali razahnać. Heta pryvodziła da vialikich achviaraŭ siarod mirnaha nasielnictva. Ciapier ułady pierajšli da abarony.
ZŠA — hałoŭny sajuźnik Jehipta — ciśnie na Chośni Mubaraka, kab jon syšoŭ.
Manifiestanty dziejničajuć aściarožna. Spačatku hučali zakliki ŭziać rezidencyju Mubaraka šturmam, što pryviało b da vialikich achviaraŭ. Adnak lidara apazicyi ŭtrymali natoŭp ad ahresiŭnych dziejańniaŭ.