Łukašenka: «Ja ŭ sporcie baču ŭsio, tamu što kala noh u mianie zaŭsiody kruciacca tyja, chto pracuje ŭ sporcie»

Jon zajaviŭ, što ŭkładańni ŭ chakiejny kłub «Dynama», nie apraŭdali siabie.

25 lutaha na naradzie z novym składam urada Alaksandr Łukašenka zajaviŭ, što ŭkładańni ŭ chakiejny kłub «Dynama», nie apraŭdali siabie.

Źviartajučysia da ministra sportu i turyzmu Aleha Kačana, jon adznačyŭ: «Vy, Zaičkoŭ [pamočnik prezidenta pa fizkultury, sporcie i raźvićci turyzmu], Ciacieryn [pieršy vice-prezident Nacyjanalnaha alimpijskaha kamiteta], rvalisia ŭsio ŭ sport. Vy hałavoj adkazvajecie — vy, trojka, adkazvajecie — za toje, što robicca ŭ sporcie naahuł. I nie treba kazać, to tam vaša, nie vaša zadača. Voś vy trojka, vy prezidenty ŭ hetaj śfiery. Vy viedajecie, što ja ŭ sporcie baču ŭsio. Nie tamu, što ja taki vialiki, a tamu, što kala noh u mianie zaŭsiody kruciacca tyja, chto pracuje ŭ sporcie, chto sportam zajmajecca i hetak dalej».

«Tamu ja vam nie abiacaju lohkaha žyćcia. I nie spyniajciesia nikoli na dasiahnutym. Kštałtu, ach, „Dynama“ u płej-of vyjšła — usio, my svaju zadaču vykanali. Vy jašče hrošaj nie apraŭdali tych, jakija zatračany na hetuju kamandu», — zajaviŭ Łukašenka.

«Kamanda dobraja, sabranaja, dašlifavać jaje treba ŭ niečym. Kali biarucca za spravu — vyjhrajuć, a kali tak, niesurjozna, nu tak pa bošcy atrymali», — zajaviŭ Alaksandr Łukašenka.

Kamientary da artykuła