«Havary praŭdu» ładzić furšet ź ikroj

Tak aktyvisty kampanii 28 lutaha padviaduć vyniki svajoj raboty za hod.

Tak aktyvisty kampanii 28 lutaha majuć padviaduć vyniki svajoj raboty za hod.

Miarkujecca, što na pres-kanfierencyi, jakaja adbudziecca ab 11.00 u ofisie Partyi BNF, žurnalistam budzie pradstaŭlena publičnaja spravazdača kampanii, jakaja zojmie bolš za dva dziasiatki staronak.

Prezientujuć jaje aktyvisty «Havary praŭdu» Śviatłana Navumava, Andrej Dźmitryjeŭ i Siarhiej Vaźniak.

«U apošni čas dziaržaŭnyja srodki masavaj prapahandy nahavaryli ab našaj kampanii šmat duraściaŭ i paskudstvaŭ, jakija ničoha supolnaha nie majuć z rečaisnaściu. Sa spravazdačy žurnalisty daviedajucca, što ž na samaj spravie było zroblena kampanijaj „Havary praŭdu“ za minuły hod», — zajaviŭ sajtu udf.by Siarhiej Vaźniak.

Jon taksama paabiacaŭ nakarmić usich žurnalistaŭ, jakija pryjduć na pres-kanfierencyju, ikroj.

«Ikra była na našaj pieršaj prezientacyi. I my vyrašyli nie adychodzić ad hetaj tradycyi», — skazaŭ aktyvist.

Lidar kampanii Uładzimir Niaklajeŭ zastajecca pad chatnim aryštam, a mozh kampanii, Alaksandr Fiaduta, pa-raniejšamu źniavoleny ŭ turmie KDB.

Kamientary da artykuła