Padazravany ŭ terakcie mieŭ pa chimii nie piaciorku, jak śćviardžaŭ Łukašenka: fota atestata

U spravie teraktu zahadak nie mienšaje.

U spravie teraktu zahadak nie mienšaje.

Ci mahła hrupa terarystaŭ-amataraŭ ažyćciavić dva vybuchi i pry hetym šeść hadoŭ zastavacca niezaŭvažnaju dla śpiecsłužbaŭ? I kali, to čamu? Adkazy na hetaje pytańnie zastajucca «tajamnicaj śledstva». Pra nierazhałošvańnie jakoj tak naviaźliva papiaredžvali žurnalistaŭ, u tym liku i redaktara «Našaj Nivy».

Padazravanych u terakcie zatrymali praź ličanyja hadziny paśla varvarskaha złačynstva. Alaksandr Łukašenka asabista paviedamiŭ krainie, što jana pryznalisia ŭ svajoj vinie. Ale ŭ ludziej zastavalisia pytańni: a ci moh nieprafiesijanał vyrabić i dastavić na miesca hetych teraktaŭ takuju składanuju vybuchoŭku? Kiraŭnik krainy patłumačyŭ: hałoŭny padazravany byŭ «unikalnym čałaviekam»: pa ŭsich pradmietach mieŭ trojki, a pa chimii — piać.

Žurnalisty «Kamsamołki» zdabyli atestat adnaho z padazravanych chłapcoŭ. Akazałasia, usio nie zusim tak. Za bazavuju škołu ŭ jaho pa chimii była akurat trojka. A voś pa vynikach siaredniaj adukacyi jon zdabyŭ siamiorku — za toj čas kraina pierajšła na dziesiacibalnuju sistemu. Što praŭda, heta vyšejšaja adznaka, čym pa inšych pradmietach.

Kamientary da artykuła