Ramančuk pakajaŭsia pierad Chalip u dzień suda
Jon apublikavaŭ hetaje pakajańnie ŭ svaim błohu na sajcie rasijskaj radyjostancyi «Echo Moskvy».
Jon apublikavaŭ hetaje pakajańnie ŭ svaim błohu na sajcie rasijskaj radyjostancyi «Echo Moskvy». Pryvodzim uryŭki z tekstu:
«Iryna Chalip stała simvałam biełaruskaj žurnalistyki ŭ śviecie. Prafiesijnaj i praŭdzivaj. Taki, jakoj pavinna być Čaćviortaja ŭłada. advažnaj, zubastaj i dziorzkaj. Jašče emacyjnaj i anhažavanaj. Inšaj nie moža być žurnalistyka ŭ aŭtarytarnaj krainie, u Biełarusi.
U nas žurnalist — bolš, čym žurnalist. Jon nie tolki praŭdarub, ale jašče zmahar. Hołas praŭdy i sumleńnia. Buntar i buravieśnik. Usio heta pra Irynu Chalip.
Iryna Chalip — zmaharka za svabodu, za niezaležny sud, za prava mieć i vykazvać svoj punkt hledžańnia. Jana ŭ pryncypie nie pavinna być na łavie padsudnych. Jak usie tyja, jakija sabralisia 19 śniežnia ŭ centry Minska, kab vykazać svajo staŭleńnie da falšyvych vynikaŭ prezidenckaj kampanii.
Ja taksama kajusia pierad Irynaj. Kajusia i prašu prabačeńnia. Za skazanaje nie sa svajoj voli, vymaŭlenaje pad mahutnym ciskam. Dziakuj bohu, što ŭsio zastalisia žyvyja. Dla mianie tady heta było hałoŭnym.
Siońnia hałoŭnaje, kab nie zasudzili Irynu. Kab jana była svabodnaj, kab jaje siamja była razam, kab u Biełarusi nie było palitviaźniaŭ».