Nazarbajeŭ zaklikaŭ dapamahčy Biełarusi šlacham skupki jaje pradpryjemstvaŭ
«U adnaho z členaŭ Mytnaha sajuza — Biełarusi — siońnia ciažkija ŭmovy».
Kazachstan i Rasija hatovyja dapamahčy Biełarusi ŭ vychadzie z ekanamičnaha kryzisu, u tym liku paŭdzielničać u pryvatyzacyjnych pracesach, kali budzie ruch Minska nasustrač u adkaz, zajaviŭ u subotu prezident Kazachstana Nursułtan Nazarbajeŭ.
«U adnaho z členaŭ Mytnaha sajuza — Biełarusi — siońnia ciažkija ŭmovy. Ja dumaju, Kazachstan i Rasija mahli b padtrymać Biełaruś, kali, viadoma, budzie ruch nasustrač da nas u adkaz», — skazaŭ Nazarbajeŭ, vystupajučy na zaklučnym pasiadžeńni Pieciarburhskaha mižnarodnaha ekanamičnaha forumu. Pra heta paviedamlaje rasijskaje ahienctva RIA «Novosti».
«My mahli b ŭkłaści adpaviednyja inviestycyi na madernizacyju i pryvatyzacyju bujnych abjektaŭ u Biełarusi, za jakija jany b atrymali dobryja hrošy dla siońniašnich svaich prablem», — adznačyŭ prezident Kazachstana.
Raniej Biełarusi kredyt vydaŭ Fond JeŭrAzES, u jakim vyrašalny hołas maje Rasija, a istotnuju dolu — Kazachstan.
Biełaruś uvajšła z Rasijaj i Kazachstanam u Mytny sajuz — lubimy prajekt Pucina, jaki maje zamacavać ekanamičnuju pryviazku hetych krain da Rasii.