U časie Hulańniaŭ u Minsku byŭ zatrymany v.a. kiraŭnika šviedskaj dypmisii - fota
Śpiecnazaŭcy sprabavali zatrymać dypłamata Emtestama, niahledziačy na toje, što jon aktyŭna demanstravaŭ im svoj dypłamatyčny dakumient. Fota hetaha momantu siońnia apublikavali ŭsie šviedskija ŚMI.
Fota Rojterz praz Tut.by.
Ad dypłamata adčapilisia paśla ŭmiašańnia šarahovaha milicyjanta.
Pasoł Šviecyi Stefan Eryksan hetymi dniami pierabyvaje ŭ adpačynku. Pasolstva Šviecyi mieścicca ŭ Vierchnim Horadzie, zusim pobač z płoščaj Svabody, jakaja stała adnym z asiarodkaŭ Hulańniaŭ i aryštaŭ 22 červienia.
Uviečary ŭ sieradu ludzi vychodzić na centralnyja płoščy haradoŭ, a aŭtamabilisty jeździać i sihnalać. Hetaja inicyjatyva razyšłasia z sacyjalnych sietak. Takim čynam ludzi patrabujuć palityčnych i ekanamičnych pieramien u krainie.