U Hrodnie ŭłady źbirajuć ludziej na Płoščy na sieradu dla masoŭki
Pra heta «Našaj Nivie» paviedamiŭ čytač, jaki pracuje nastaŭnikam.Pavodle jahonych słovaŭ, im na škołu pryjšła raznaradka adpravić niekalki čałaviek na centralnuju płošču horada. U minułuju sieradu ideołahi sprabavali pierabić Narodnyja hulańni kancertam, ale z hetaha ŭrešcie vyjšaŭ kanfuz. Niekalki socień čałaviek zładzili ŭ časie kancerta družnyja Apładysmienty pratestu, što doŭžylisia kala troch chvilin.
Pavodle idei hrupy junakoŭ, ludzi vychodziać u sieradu ŭviečary na centralnyja płoščy haradoŭ i prosta hulajuć. Takim čynam jany demanstrujuć žadańnie ekanamičnych i palityčnych pieramien u krainie. Najbolš ludziej vychodziła ŭ centr Minska. Z rehijanalnych haradoŭ samyja vialikija Hulańni adbylisia ŭ Homieli i Breście.