Prezident Rasii nie dasłaŭ vinšavańnia 20-mu «Słavianskamu bazaru»

Hety fakt aburyŭ łukašenkaŭskaje ahienctva BiełTA.

Hety fakt aburyŭ łukašenkaŭskaje ahienctva BiełTA.

Łukašenka vykarystoŭvaje «Słavianski bazar», kab zaśviacicca z zorkami rasijskaj pop-sceny.

Aficyjoznaje ahienctva źviartaje ŭvahu na toje, što sioleta pryjšło vinšavańnie tolki ad prezidenta Ukrainy Janukoviča. Raniej udzielnikaŭ fiestyvalu vinšavaŭ i prezident Rasii. Adnak ad niekatoraha momantu adnosiny Rasii z Alaksandram Łukašenkam sapsavalisia da takoj stupieni, što Kreml pačaŭ jaho ihnaravać.

«Słavianski bazar» byŭ stvorany na pačatku 1990-ch. Jon staŭ mahčymy, bo Viciebsk mieŭ infrastrukturu i noŭ-chaŭ praviadzieńnia mižnarodnych fiestyvalaŭ. Reč u tym, što ŭ saviecki čas mienavita tut pravodzilisia fiestyvali polskaj pieśni — ekvivalent Fiestyvalu savieckaj pieśni ŭ Zialonaj Hury.

Ideałahična, zadačaj «Słavianskaha bazaru» stała raźvićcio suviaziaŭ u byłym SSSR. Ź ciaham času fiestyval staŭ taksama adyhryvać značnuju rolu dla łukašenkaŭskaj prapahandy. Naroŭni z «Dažynkami» i śviatkavańniami Dnia Pieramohi i 3 Lipienia, jon vykarystoŭvajecca dla demanstracyi pośpiechaŭ režymu i jaho pierajemnaści z savieckaj tradycyjaj.

Za vialikija hrošy na «Słavianski bazar» pryvoziać pieravažna zorak rasijskaj pop-sceny. Biudžet fiestyvalu značna pieravyšaje vydatki na inšyja kulturnyja imprezy ŭ Biełarusi.

Kamientary da artykuła