Urad moža ŭvieści narmatyvy na karystańnie vadoj i ciapłom

Kab «zvyšnarmatyŭnaje spažyvańnie» apłačvałasia hramadzianami pa poŭnym košcie.

Kiraŭnik prezidenckaj administracyi Uładzimir Makiej rastłumačyŭ pazicyju dziaržavy ŭ pytańni ŽKH.

Adkazvajučy na pytańnie ab mahčymym pavyšeńni cen na pasłuhi ŽKH, kiraŭnik Administracyi prezidenta zapeŭniŭ, što jano budzie pastupovym, piša BiełTA.

Makiej adznačyŭ, što razhladajecca taksama nastupny varyjant: nasielnictva budzie apłačvać pa ciapierašniaj canie tolki narmatyŭnaje spažyvańnie ŽKP, a zvyšnarmatyŭnaje spažyvańnie — całkam. «Hetaje pytańnie abmiarkoŭvajecca», — skazaŭ jon.

Ułady śćviardžajuć, što «ŭ 2003 hodzie nasielnictva apłačvała kala 50% realnaha koštu žyllova-kamunalnych pasłuh, a ciapier — tolki 23%». Pra heta zajaviŭ iznoŭ i Makiej.

Adnak,

kali dapuścić, što biełarusy płaciać mienš za čaćviortuju častku koštu pasłuh ŽKH, to vychodzić, što košt kamunałki ŭ krainie pavinien pieravysić sumy, jakija płaciać palaki ci litoŭcy. Miž tym naša kraina kuplaje naftu i haz pa cenach, našmat nižejšych, čym Polšča ci Litva.

Kamientary da artykuła