Iran ažyćciaviŭ śmiełyja ekanamičnyja reformy: adpuściŭ ceny paliva i praduktaŭ
Vializny efiekt: u krainie rezka źniziłasia spažyvańnie paliva i vyrasła enerhaefiektyŭnaść.
Vializny efiekt: u krainie rezka źniziłasia spažyvańnie paliva i vyrasła enerhaefiektyŭnaść.
Urad Achmadziniedžada ažyćciaviŭ hłybokija reformy ekanamičnaj sistemy Irana. Jon absiok toje, što nakručvałasia hadami. Adpuściŭ ceny na haz, bienzin i inšaje paliva, a taksama na asnoŭnyja pradukty charčavańnia. Zamiest hetaha bolšaści chatnich haspadarak — akramia bahatych — vypłačvajecca štomiesiac kala 40 dalaraŭ kampiensacyi.
Efiekt staŭ zaŭvažny ŭžo praz paŭhoda. U krainie rezka źniziłasia spažyvańnie paliva. Kraina maje mahčymaść ekspartavać jaho bolš. Ekanomija dla biudžetu składzie až 60 miljardaŭ dalaraŭ u hod. Ale hałoŭnaje, što enerhaefiektyŭnaść ekanomiki pačała rezka raści.Toje, čaho było nie dabicca zaklikami, robić kašalok. Cana dyzpaliva vyrasła ŭ Iranie ŭ 4 razy. Spažyvańnie paliva za paŭhoda źniziłasia ahułam na 20%, prytym što VUP praciahvaŭ rost.
Sistema datacyj i subsidyj narastała hadami. Heta była častka sacyjalnaha kantraktu ŭładaŭ z nasielnictvam.
Mnohija ekanamisty ličać, što dziakujučy apošnim reformam iranskaja ekanomika mocna vyjhraje ŭ bližejšaj pierśpiektyvie. Spyniłasia marnavańnie resursaŭ.
Bolšaść arabskich krain, asabliva aŭtarytarnych, trymaje ceny na paliva i asnoŭnyja pradukty, zanižanymi. Toje samaje adbyvajecca i ŭ Biełarusi, dzie nizkija zarpłaty spałučajucca ź nizkim koštam pasłuh ŽKH, haradskoha transpartu, paliva, chleba i małaka.