Polski palityk Leper realizoŭvaŭ u Biełarusi vyhadnyja hiešefty

Polski palityk, były vice-premjer i ministr sielskaj haspadarki Polščy Andžej Lepier, jaki zabiŭ siabie, niezadoŭha da śmierci atrymaŭ ad biełaruskich uładaŭ zhodu na arendu vialikaha abšaru lesu.

Pra heta piša polski tabłoid «Super Express».

Lepier mieŭ hnać biełaruskuju draŭninu ŭ Polšču. Dostup da takoha pryrodnaha resursu ŭ Biełarusi maje tolki peŭnaje koła asobaŭ. Skažam, znakamity šviedski kancern «Ikiea» ŭ biełaruskuju drevaapracoŭku tak i nie puścili.

Hazieta piša, što handal draŭninaj byŭ nie adzinaj krynicaj zarobku Lepiera ŭ Biełarusi.

Były pres-sakratar palityka Mateuš Piskorski napisaŭ u svaim błohu, što biełarusy prapanavali Lepieru raspracavać maštabnuju prahramu restrukturyzacyi sielskaj haspadarki.

Leper byŭ palitykam-papulistam. Pa miery rostu dabrabytu palakaŭ u ES jahonaja papularnaść padała. Da taho ž, jon ulapaŭsia ŭ brudny seks-skandał, vyjavilisia i brudnyja afiory ź ziamielnymi ŭčastkami. U vyniku hetaha jahonaja partyja «Samaabarona» straciła ŭsiakuju papularnaść. Zatoje

hety eks-palityk byŭ žadanym haściom na teleekranach Biełarusi. Jon navat vystupaŭ na tak zvanych «usiebiełaruskich narodnych schodach» — prapahandysckich šou, jakija Alaksandra Łukašenka ładzić na dziaržaŭnyja hrošy ŭ časie vybarčych kampanij.

U suviazi sa śmierciu lidara «Samaabarony» spačuvańni vykazaŭ asabista Łukašenka.

Kamientary da artykuła