Pomoc polska. Źviestki na Bialackaha pieradała i Varšava
dapoŭniena
Pad pahrozaj jašče niekalki pravaabaroncaŭ.
Pad pahrozaj jašče niekalki pravaabaroncaŭ.
Bialacki atrymlivaŭ na svaje rachunki hrošy z usiaho śvietu na dapamohu represavanym i zvolnienym.
Siońnia prakuratura Polščy paćvierdziła, što vydała Biełarusi vypiski z bankaŭskaha rachunku Alesia Bialackaha ŭ polskim banku ING.
Prakuratura dziejničała ŭ adpaviednaści ź mižnarodnaj damovaj ab abmienie infarmacyjaj pa kryminalnych spravach.Prakuratura apraŭdvajecca ciažkaściami ŭ praviercy na prynaležnaść da biełaruskaj apazicyi.
Jak stała viadoma «Našaj Nivie», papiery na Bialackaha ciapier znachodziacca na pierakładzie ŭ Handlovaj pałacie Biełarusi.
Spravaj zajmajecca śledčaja hrupa ŭ składzie až čatyroch čałaviek.
Jość padstavy mierkavać, što Varšava pieradała infu i na šerah inšych dziejačoŭ apazicyi. Mažliva, na tych samych, na kaho ich pieradała Litva.Pra vyciek infarmacyi ź litoŭskaha boku stała viadoma raniej.
Pradstaŭniki polskaha ŭrada kateharyčna abviarhali mahčymaść takoj sama bieskłapotnaści z polskaha boku.
Kali 4 žniŭnia da pravaabaroncy Alesia Bialackaha na płoščy Pieramohi padyšli asoby ŭ cyvilnym, jaho serca, napeŭna ž, joknuła. Jašče miesiac nazad, na pačatku lipienia jaho vyklikali ŭ padatkovyja orhany. Tady jamu i stała viadoma, što aficyjnyja instancyi Litvy vydali biełaruskim uładam usiu infarmacyju pra hrašovyja sumy, jakija jon atrymlivaŭ na svoj rachunak u bankach hetaj krainy. Jak pravaabaronca, Bialacki viedaŭ, što heta dastatkovaja padstava dla aryštu.
Tuju samuju infarmacyju dasłali i jašče na troch aktyvistaŭ ź likvidavanaha pravaabarončaha centra «Viasna». Jany płanavali dać pres-kanfierencyju na minułym tydni ŭ Minsku, ale nie paśpieli. Paplečnik Bialackaha, juryst Valancin Stefanovič sustreŭsia z žurnalistami 5 žniŭnia ŭ Vilni. Tam pracuje Biełaruski dom pravoŭ čałavieka, dzie i adbyłasia pres-kanfierencyja.
Pavodle słoŭ Stefanoviča, infarmacyja ab rachunkach była pieradadzienaja Biełarusi ŭ sakaviku.U pačatku lipienia Stefanoviču i Bialackamu biełaruskija padatkaviki pradjavili akt i razdrukoŭki bankaŭskich rachunkaŭ ź litoŭskich bankaŭ «DnB Nord» i «SEB».
Adkul biełaruskim uładam stała viadoma pra hetyja rachunki, Stefanovič nie ŭdakładniaŭ. Ale
možna mierkavać, što niejkaja infarmacyja trapiła ŭ KDB z kampjutaraŭ, skanfiskavanych u «viasnoŭcaŭ» u noč paśla vybaraŭ, z 19 na 20 śniežnia.
Hruntujučysia na tych źviestkach, i moh być aformleny zapyt u kampietentnyja litoŭskija i polskija orhany. Demakratyčnyja krainy spracavali jak pravavyja dziaržavy: jany dzielacca infarmacyjaj.
Namieśnik ministra justycyi Litvy Tomas Vajtkiavičus pryznaŭsia žurnalistam, što «infarmacyja pra bankaŭskija rachunki ŭ Litvie biełaruskich apazicyjnych arhanizacyj pradastaŭlena słužbam Biełarusi z pryčyny «zanadta vialikaha davieru da biełaruskich ustanovaŭ».
Ciapier litoŭskija i polskija čynoŭniki kusajuć łokci.
«Palitviaźniaŭ nie pavinna być u Jeŭropie!» — skazaŭ Vajtkiavičus.
U Litvie vakoł «zdrady», jak pišuć ŚMI, razhareŭsia vialiki skandał. Toje samaje čakaje zaraz i Polšču.
5 žniŭnia
Stefanovič rascaniŭ dziejańni tych, chto pieradaŭ biełarusam infarmacyju jak «nieparazumieńnie, jakoje, adnak, doraha abydziecca biełarusam».
Na kvatery, leciščy i ofisie Bialackaha prajšli pieratrusy. Na častku majomaści nakładzieny aryšt.
Bialacki pryznany padazravanym pa kryminalnaj spravie, zaviedzienaj pa častcy 2 artykuła 243 Kryminalnaha kodeksa Biełarusi (uchileńnie ad vypłaty sum padatkaŭ, zboraŭ u asabliva bujnym pamiery). Maksimalnaje pakarańnie pa hetym artykule praduhledžvaje pazbaŭleńnie voli da siami hadoŭ z kanfiskacyjaj majomaści.
Jak vynikaje sa słovaŭ Stefanoviča, Bialacki i pravaabaroncy atrymlivali na rachunki hrošy, što ściakalisia z usiaho śvietu. Hetyja srodki išli na patreby represavanych i zvolnienych pa palityčnych matyvach. Sapraŭdy, viasnoŭcy za 15 hadoŭ dapamahli tysiačam ludziej.