Viecier abiastočyŭ «Našu Nivu»
Z-za hetaha try hadziny nie abnaŭlaŭsia sajt NN. Razam z abnaŭleńniem sajtu spynilisia ciahniki j tramvai. Narabiła stychija škody j pa krainie.
Pryčynaj adklučeńnia elektryčnaści staŭ mocny paryvisty viecier. Biez elektryčnaści pierastali pracavać kramy, adklučylisia śvietłafory, spynilisia tramvai (naš žurnalist ź inšymi pasažyrami išoŭ pieški ad vulicy Aleha Kašavoha da Płoščy Pieramohi — heta niedzie try kilametry). Adklučałasia śviatło i ŭ inšych rajonach stalicy, a kala čyhunačnaj stancyi «Miensk-Uschodni» byŭ parušany ruch ciahnikoŭ.
Bieź śviatła praviała pad try hadziny (ad 10.40 da 13.25) i redakcyja «Našaj Nivy». Z-za hetaha nie było mahčymaści j abnaŭlać sajt. Šanoŭnyja čytačy, prymicie vybačeńni za niazručnaści.