Łuzhin vymušany painfarmavać pra niepryjemnaje: budzie «zaciskańnie»
Uvosień krainu čakaje novy vitok inflacyi.
Nacyjanalny bank Biełarusi prymie šerah mier dla zabieśpiačeńnia vychadu na adziny kurs biełaruskaha rubla. Ab hetym zajaviŭ 31 žniŭnia ŭ efiry BT pieršy namieśnik staršyni praŭleńnia Nacbanka Mikałaj Łuzhin.
«Tut nieabchodna prymać peŭnyja miery: padrychtoŭčyja, techničnaha i ekanamičnaha płana, treba vyznačyć rehłamient raboty biržy, a taksama roznych siektaraŭ valutnaha rynku. Taksama praduhledžvajecca „zaciskańnie“ inviestycyjnych pracesaŭ, uzmacnieńnie
Heta aznačaje, što źmienšacca abjomy budaŭnictva i dziaržaŭnaj padtrymki. Kraina praciahvaje zaciskać pajasy.
Pieršy namieśnik staršyni praŭleńnia Nacbanka paćvierdziŭ, što vychad na adziny kurs rubla adbudziecca ciaham vosieni. «Hety vychad zojmie peŭny čas. Časovyja ramki my pakul nie vyznačajem. Ja liču, na praciahu miesiaca, maksimum paŭtara vychad na adziny kurs biełaruskaha rubla budzie ažyćcioŭleny», — vykazaŭ mierkavańnie Mikałaj Łuzhin.
«Vychad na adziny kurs» — heta eŭfiemizm. U realnaści jon budzie aznačać padzieńnie kursu rubla i lehielizacyju pavyšanaha kursa valuty. Kali adziny kurs stanie, dapuścim, 9000, dyk niepaźbiežna padaražeje i paliva, i dziaržaŭnyja, kamunalnyja pasłuhi. Heta aznačaje, što ŭvosień krainu čakaje novy vitok inflacyi.