Siońnia ŭ Hancavičach — Dzień biełaruskaha piśmienstva

Ministerstva kultury inicyjavała realizacyju novych prajektaŭ na Dni biełaruskaha piśmienstva, jaki projdzie 4 vieraśnia ŭ Hancavičach Bresckaj vobłaści.

Siarod novych prajektaŭ vystava «Biblii» Francyska Skaryny i knih Jakuba Kołasa z fondaŭ Nacyjanalnaj biblijateki Biełarusi, vystava aryhinalnych ekspanataŭ z fondaŭ Dziaržaŭnaha litaraturna-miemaryjalnaha muzieja Jakuba Kołasa, tematyčnyja mierapryjemstvy, pryśviečanyja 120-hodździu z dnia naradžeńnia Maksima Bahdanoviča, pierasoŭnaja vystava Litaraturnaha muzieja Maksima Bahdanoviča «Hienij ziamli biełaruskaj», prezientacyja elektronnaha vydańnia «Paet pryhažości i harmonii». Akramia taho, Nacyjanalnaja biblijateka ŭručyć Hancavickaj rajonnaj biblijatecy kalekcyju knih biełaruskich aŭtaraŭ.

Pa inicyjatyvie Minkultury buduć praviedzieny konkursy «Samaja staraja kniha ź siamiejnaj biblijateki ŭ Hancavičach» i na lepšaje čytańni vieršaŭ Jakuba Kołasa i Maksima Bahdanoviča siarod vučniaŭ škoł horada i rajona. Taksama adbudziecca Respublikanskaja navukova-praktyčnaja kanfierencyja «Hancavickija čytańni-2011», dzie płanujecca abmierkavać pytańnie ab nieabchodnaści pryniaćcia Nacyjanalnaj prahramy raźvićcia čytańnia.

Na arhanizacyju mierapryjemstvaŭ Ministerstva kultury vyłučyła z respublikanskaha biudžetu Br373, 2 młn.

Kamientary da artykuła