Adzin z synoŭ Kadafi adstupiŭ ad baćki

Saadzi Kadafi zajaviŭ pra svoj niejtralitet u kanflikcie.

Saadzi Kadafi, syn byłoha dyktatara Livii Muamara Kadafi, znoŭ vyjšaŭ na suviaź z telekampanijaj CNN i zajaviŭ ab svaim niejtralitecie ŭ baraćbie pamiž paŭstancami z adnaho boku i svaimi bratam i baćkam — z druhoha.

Jon raspavioŭ, što nie bačyŭ ni brata, ni baćki ŭžo pryblizna dva miesiacy.

Jon adznačyŭ, što znachodzicca ŭ vakolicach horada Bieni-Valid, centra plemieni varfała, što zachoŭvaje viernaść Kadafi, ale šmat pieramiaščajecca ŭ apošni čas, kab adčuvać siabie ŭ biaśpiecy.

Saadzi Kadafi vioŭ pieramovy z pradstaŭnikami paŭstancaŭ, kab spynić ahoń. Adnak, kali ŭ siaredzinie tydnia jaho brat Sejf ul-Isłam vystupiŭ z ahresiŭnym zaklikam praciahvać baraćbu, kamandziry paŭstancaŭ spynili pieramovy. Saadzi Kadafi padkreśliŭ, što maje adroźnieńni sa svaim baćkam i bratam u acenkach taho, što adbyvajecca ŭ Livii. Jon padkreśliŭ, što vykonvaje niejtralitet u kanflikcie.

Saadzi byŭ prafiesijnym futbalistam, a paźniej kantralavaŭ značnuju častku livijskaha biznesu.

Pratesty suprać Kadafi pačalisia ŭ lutym. Kali śpiecsłužby režymu pačali stralać u narod, jany pieraraśli ŭ paŭstańnie.

Kamientary da artykuła