U Fiłarmonii za prezidencki hrant adnoviać rok-prahramu Mulavina na słovy Kupały
Pra heta paviedamiŭ BiełaPAN na pres-kanfierencyi 5 vieraśnia hałoŭny dyryžor nacyjanalnaha arkiestra Biełarusi imia I. Žynoviča Michaił Kaziniec. Usiaho ciaham novaha siezona arkiestr pakaža adzinaccać prahram u zale Biełaruskaj fiłarmonii.
Hałoŭnymi vystupami siezona buduć kancerty da 120-hodździa z dnia naradžeńnia Maksima Bahdanoviča i 130-hodździa Janki Kupały.
«Pavodle paemy Kupały „Adviečnaja pieśnia“ ŭ 1970-ja hady Uładzimiram Mulavinym była napisanaja vydatnaja rok-prahrama pad nazvaj „Pieśni pra dolu“, — skazaŭ Kaziniec. — Ciapier my adnaŭlajem heta najpryhažejšy tvor u aranžyroŭcy dla salistaŭ nacyjanalnaha arkiestra imia I. Žynoviča». Pavodle słovaŭ dyryžora,
hety prajekt vyjhraŭ prezidencki hrant, što dapamoža «ŭ lepšym vyhladzie ažyćciavić tvorčyja napramki hetaj prahramy».
Pačniecca ž novy, 74-y siezon u Biełaruskaj dziaržaŭnaj fiłarmonii 10 vieraśnia sumiesnym kancertam Dziaržaŭnaha simfaničnaha arkiestra Biełarusi i Kaŭnaskaha dziaržaŭnaha choru (Litva).
Čytajcie taksama:
Kamientary da artykuła