U Biełarusi štohod uzrastaje kolkaść chvorych na roznyja vidy raku skury

paviedamiŭ na pres-kanfierencyi 15 vieraśnia ŭ Minsku chirurh-ankołah Respublikanskaha centra ankałohii i miedycynskaj radyjałohii Hienadź Rymdzionak.

Pavodle jaho słoŭ, kožny hod kolkaść zachvarełych pavialičvajecca ŭ siarednim na 50. Letaś u krainie było zarehistravana kala 8 tysiač vypadkaŭ zachvorvańnia na roznyja vidy raku skury, u tym liku 676 vypadkaŭ — miełanomaj (najbolš niebiaśpiečnaja raznavidnaść raku skury).

Istotnym faktaram ryzyki ŭźniknieńnia raku skury, padkreśliŭ śpiecyjalist, źjaŭlajecca ŭździejańnie ultrafijaletavaha vypramieńvańnia. Tym bolš vialikaje, pavodle jaho słoŭ, značeńnie azonavaha słoju płaniety, jaki strymlivaje soniečny ultrafijalet. «Kali słoj tančejšy, značyć i abarona mienšaja, a kali ŭ vyniku technałahičnych chibaŭ uźnikaje azonavaja dzirka, to ad praźmiernaha vypramieńvańnia ŭ nas niama abarony. U suviazi z hetym uźnikaje vialikaja kolkaść złajakasnych puchlin skury», — skazaŭ Rymdzionak.

Dyrektar nacyjanalnaha centra manitorynhu azonaśfiery Biełaruskaha dziaržaŭnaha ŭniviersiteta Leanid Turyšaŭ zaznačyŭ, što na terytoryi Biełarusi ŭžo fiksavaŭsia vielmi vysoki ŭzrovień ultrafijaletavaha vypramieńvańnia — siomy i vośmy pa ŭmoŭnaj 11-uzroŭnievaj škale indeksa soniečnaha vypramieńvańnia (UF-indeksa).

«Na praciahu vielmi vialikaha pieryjadu stan azonaśfiery byŭ adnolkavym, i hety režym ustajaŭsia, — rastłumačyŭ Turyšaŭ. — Ale antrapahienny faktar u kancy minułaha stahodździa i ŭ pačatku hetaha paŭpłyvaŭ na hety ŭstajały stan. Źmianiŭsia stan atmaśfiery, azonavaha słoju, i źjavilisia pieradumovy da źmieny režymu ŭltrafijaletavaj radyjacyi».

Dla kantrolu źmienaŭ intensiŭnaści UF-vypramieńvańnia ŭ Biełarusi raspracavany šerah pryboraŭ, «jakija mierajuć jak sumarnuju dozu va ŭsim śpiektralnym intervale, hetak i ŭ śpiektralnym raźmierkavańni», zaznačyŭ dyrektar centra. Atrymanyja źviestki ŭ adkrytym dostupie raźmiaščajucca na sajtach centra manitorynhu azonaśfiery i Respublikanskaha hidramieteacentra.

Śpiecyjalisty vykazali nadzieju, što nasielnictva Biełarusi pačnie ŭličvać indeks ultrafijaletavaha vypramieńvańnia dziela ŭłasnaha zdaroŭja.

Kamientary da artykuła