Kursy dalara ŭ abmieńnikach trochi źnizilisia śledam za biržavym
«Biełśvisbank» učora zranku kuplaŭ/pradavaŭ dalary za 8400/8900. Siońnia — 8200/8600.
Takaja sama tendencyja prasočvajecca ŭ bolšaści bankaŭ. Skažam, «Pryjorbank» daklaruje siońnia kurs 8150/8750 (u sieradu i čaćvier zranku było 8350/8850).
Kursy ŭ asobnych adździaleńniach tych samych bankaŭ mohuć niaznačna roźnicca. Ale ŭ situacyi niapeŭnaści i palityčnych ryzykaŭ mnohija banki vyznačajuć kurs centralizavana. Hetak, va ŭsich minskich adździaleńniach "Biełarusbanka" siońnia zranku vystaŭleny kurs 8300/8650.
Kurs na sajcie-abmieńniku Prokopovi.ch taksama padciahnuŭsia da biržavoha.
Nahadajem, što na pieršaj siesii, u sieradu, kurs skłaŭsia na ŭzroŭni 8600 rubloŭ za dalar. U čaćvier jon apuściŭsia da 8500. Praŭda, vyznačaŭsia jon nie da kanca rynkavymi mietadami: prapanova była našmat mienšaj za popyt, u toj ža čas Nacbank nie pravodziŭ valutnych interviencyj.