Prymadonna Maryinskaha teatra Iryna Hardziej vystupić u Minsku 28 kastryčnika

Prymadonna pieciarburhskaha Maryinskaha teatra Iryna Hardziej vystupić z kancertam u Minsku 28 kastryčnika,

Imia biełaruski Iryny Hardziej, uładalnicy redkaha pa sile i pryhažości tembru dramatyčnaha saprana, siońnia možna ŭbačyć na afišach najlepšych opiernych scen usiaho śvietu — ad łondanskaha karaleŭskaha teatra «Kovient Harden» da miłanskaha «Ła Skała», ad ńju-jorkskaj «Mietrapoliten Opiera» da Vialikaha teatra ŭ Piekinie. Z kanca 1990-ch tvorčaja bijahrafija Iryny Hardziej źviazanaja ź pieciarburhskim Maryinskim teatram, viadučaj salistkaj jakoha jana źjaŭlajecca bolš za dziesiać hadoŭ.

Paśla paśpiachovaha debiutu ŭ 1995 hodzie na scenie fłarentyjskaha «Teatr Kamunale» ŭ opiery «Bal-maskarad» Džuzepe Vierdzi śpiavačka rehularna hastraluje pa Italii, ZŠA, Vialikabrytanii, Aŭstryi, Japonii, Francyi. Siarod jaje partnioraŭ — viadomyja śpievaki i dyryžory, u liku jakich Płasida Daminha, Valeryj Hierhijeŭ, Renata Bruzon, Nikało Marcinučy.

U repiertuary śpiavački — hałoŭnyja partyi ŭ opierach «Aida», «Don Karłas», «Nabuka», «Makbiet», «Atyła», «Čya-Čya-san», «Toska», «Turandot». U solnym kancercie Iryny Hardziej na scenie biełaruskaha Vialikaha teatra prahučać znakamityja aryi z opier «Nabuka», «Toska», «Norma», «Siła losu», «Manon Lesko» i inšych. Dyryžor — Andrej Hałanaŭ.

Siońnia Iryna Hardziej vystupaje na hałoŭnych opiernych scenach śvietu: u Tokia, Miłanie («Ła Skała»), Baden-Badenie, Łondanie (Kovient-Harden), Ńju-Jorku (Mietrapoliten Opiera), Vašynhtonie (Kienedzi-centr), Vienie, Fłarencyi.

Kamientary da artykuła