Kanavałaŭ byŭ u škole cichi chłopčyk

U Viarchoŭnym sudzie 26 kastryčnika prachodzić dopyt adnakłaśnikaŭ Dźmitryja Kanavałava i Uładzisłava Kavalova.

Śviedka Ihar Varanok siadzieŭ za adnoj partaj z Kanavałavym u 9-m i 10-m kłasach, a naohuł Kanavałava jon viedaŭ z 7-ha kłasa, kali pierajšoŭ u škołu, dzie toj vučyŭsia.

Kanavałavu vielmi dobra davałasia chimija, u toj čas jak pa humanitarnych dyscyplinach jon «vučyŭsia siarednie», zaznačyŭ śviedka. Jon taksama skazaŭ,

što za ŭvieś čas znajomstva Kanavałaŭ ni z kim nie biŭsia, nijakich surjoznych kanfliktaŭ z vykładčykami ŭ jaho nie było. Z usim kłasam jon naviedvaŭ masavyja mierapryjemstvy i vykonvaŭ daručeńni nastaŭnikaŭ.

Jak paviedamiŭ Dźmitryj Hajdukoŭ, jašče adzin adnakłaśnik Kanavałava, jon viedaŭ chimiju lepš za ŭsich u kłasie. «U 11-m kłasie da nas pryjšła novaja maładaja nastaŭnica chimii. U mianie ŭźnikła ŭražańnie, što Kanavałaŭ viedaŭ bolš za jaje. Prynamsi, jon papraŭlaŭ nastaŭnicu, kali jana niapravilna pisała formuły na došcy, heta značyć bačyŭ tyja pamyłki, jakija nie bačyła nastaŭnica», — skazaŭ Hajdukoŭ.

Śviedka zaznačyŭ, što Kanavałaŭ rabiŭ «vielmi pryhožyja fiejervierki», kali jany z adnakłaśnikami vyjazdžali na pryrodu.

«Navat samyja darahija fiejervierki pramysłovaha vyrabu nie mahli zraŭnavacca z tymi, jakija rabiŭ Kanavałaŭ»,

Jon taksama paviedamiŭ, što Kanavałaŭ byŭ niekanfliktnym čałaviekam. Prynamsi, jon nie pamiataje nivodnaha vypadku bojki z udziełam Kanavałava.

Kamientary da artykuła