Kazka dla darosłych ad Aleha Chamienki
3 listapada ŭ kaviarni «Mistral» (Marksa, 6/22).
Viadomy muzyka pradstaŭlaje prajekt «Kazačnaja akustyka»,ale papiaredžvaje —
dzietkam da 10 hadoŭ jaho hladzieć nie varta:«U joj zakładzieny najcikaviejšyja dumki takoj narodnaj fiłasofii, jakija možna interpretavać pa-roznamu.
Razvahi pryśviečany pytańniu kudy my traplajem paśla śmierci — u raj ci piekła, a moža ŭ inšaje miesca. Ale tam vielmi šmat kryvavych padrabiaznaściaŭ, tamu pryznačanaja jana najpierš dla bolš stałaj dziciačaj aŭdytoryi i darosłych».
U asnovie prajekta «Kazačnaja akustyka» — biełaruskaja narodnaja kazka «Doktar» ci «Sałdat-lekar». Aleh Chamienka adnojčy pačuŭ hetu kazku ad svajoj radni, praŭda ŭ źmienienym vyhladzie, dzie sens byŭ zusim inšym. Paśla muzykant pahłybiŭsia ŭ vyvučeńnie roznych jaje varyjantaŭ i stvaryŭ najbolš poŭny.
U pastanoŭcy biaruć udzieł muzyki z hurta «Pałac», ale azdableńnie «Kazačnaj akustyki» zusim nie padobna da ich admietnaj stylistyki: «
Heta muzyka, jakuju my stvarali dla siabie, jakaja nia ŭpisvałasia ŭ miežy „Pałacu“. Z elementami maršu, naprykład», — tłumačyć Aleh.
Muzyki nieadnarazova ŭžo bralisia za pracu nad maštabnymi prajektami, jak naprykład fołk-miuzikł «Voziera», ale praca prypyniałasia praz kamiercyjnuju ryzykoŭnaść. Na prajekt «Kazačnaja akustyka», Chamienka z kalehami nie majuć namieru zabyvacca: «Ź jaho mahła by paŭstać cikavaja teatralnaja pastanoŭka abo multfilm ci navat fołk-rok-opiera. Ale navat pry tym, što da hetaha nie dojdzie, jon zastaniecca samadastatkovym, bo jość u im niejkaja stylnaść. Miarkuju, što jaho možna pakazvać jakraz u kłubnym farmacie».
Premjera teatralna-muzyčnaj pastanoŭki «Kazačnaja akustyka» ŭ kłubnym farmacie zaplanavanaja na
3 listapada ŭ minskaj kaviarni «Mistral» (Marksa, 6/22). Pačatak a 20-j.