U Jehipcie revalucyjanierka źniałasia aholenaj

Libierały bajacca, što heta padarvie ich pazicyi na vybarach.

Revalucyjny zapał: 20-hadovaja Alija Mahda el-Machdzi źniałasia aholenaj u znak pratestu «suprać hramadstva hvałtu, rasizmu, seksizmu, seksualnych damahańniaŭ i kryvadušša». Publikacyja ŭ błohu sabrała 1,5 miljona naviednikaŭ i tysiačy hnieŭnych kamientaroŭ. Navat libierały asudžajuć Aliju: heta vada na młyn isłamistaŭ, pavysić šancy na ich pieramohu na vybarach. Sama Alija nazyvaje siabie revalucyjanierkaj, ateistkaj. Zhodna z tradycyjnym isłamam, žanočaje cieła — heta krynica pažady, raspusty i chaosu, tamu jano pavinna być schavana ad mužčyn.

Žanich el-Machdzi, błohier Karym Amer (jon, darečy, prasiedzieŭ čatyry hady ŭ turmie za toje, što nazvaŭ Mubaraka simvałam tyranii) svaju siabroŭku razumieje i ŭchvalaje: «Dumaju, bajacca treba nie tych, chto ciapier pry ŭładzie ci isłamistaŭ, a tych palitykaŭ, jakija nazyvajuć siabie libierałami. Jany hatovy achviaravać nami, aby ich imidž nie paciarpieŭ».

U Fejsbuku ŭtvarylisia supołki jak u padtrymku dziaŭčyny, jakaja sprabuje raźniavolić svajo hramadstva takim radykalnym sposabam, tak i suprać jaje. Tradycyjanalisty patrabujuć jaje aryštu.

Kamientary da artykuła