Mietro pierajšło na rasiejskuju
U vahonach abviestki pra patrebu być uzajemna vietlivymi pieraviali na rasiejskuju movu. Čamu?
«Bo mietro prachodzić praz vialikija transpartnyja arteryi — aŭtavakzał, čyhunačny vakzał, i
daloka nie ŭsie hości stalicy mohuć zrazumieć pa-biełarusku», — vykručvajecca načalnik elektradepo «Maskoŭskaje» Andrej Michajłoŭski.
Na pytańnie, ci niama ŭ płanach uviadzieńnia dla turystaŭ i anhlijskaj viersii zakliku sastupać miesca ciažarnym žančynam i piensijanieram, načalnik adkazaŭ, što «abviestka musić prahučać, pakul ciahnik staić, a prypynku. Kali my pačniom dublavać, pierakład budzie składana pačuć praz hrukat u tuneli».
Inšyja abviestki, nazvy stancyj buduć i nadalej abviaščacca pa-biełarusku, kaža Michajłoŭski.
Čamu tady mienavita hetu abviestku vyrašyli pierakładać?
«My mieli šerah skarhaŭ — moładź nie reahuje na abviestki pra ŭzajemavietlivaść»,— apraŭdvajecca Michajłoŭski. I vinavataja tut, viadoma ž, biełaruskaja mova.