Kudy padzieŭsia miljard, pazyčany «Śbierbankam» «Biełaruśkaliju»?
Za listapad zołatavalutnyja reziervy pavialičylisia na $2,74 młrd. Ale heta za košt 2,5 miljarda za «Biełtranshaz».
Takija papiarednija źviestki paviedamiła ŭpraŭleńnie infarmacyi Nacyjanalnaha banka.
Na 1 śniežnia ŭzrovień reziervaŭ pa standartach MVF dasiahnuŭ 7,38 młrd dalaraŭ ZŠA. Reziervy vyraśli za košt prodažu AAT «Biełtranshaz» (2,5 młrd dołaraŭ). U jakaści druhoj krynicy nazyvajecca «kanviertacyja niereziervovych aktyvaŭ u reziervovyja».
Kudy ž padzieŭsia miljard, pazyčany «Śbierbankam» «Biełaruśkaliju»? Mahčyma, jon byŭ vytračany na viartańnie pazyk Nacbanka kamiercyjnym bankam pa svopach. Ci jon jašče nie pastupiŭ? Z ahučanaj statystyki adkazu na hetaje pytańnie niama.