Najlepšyja kaladnyja zorki – ŭ «Re:Public»

25 śniežnia ŭ 19.00 staličny klub «Re:Public» (vuł. Prytyckaha, 62) ładzić kaladnaje šou, u jakim biaruć udzieł nie prosta zorki biełaruskaha roku, a mega-top-star.

Cymus kancerta jašče i ŭ tym, što ŭsie kalektyvy prezientujuć na Kalady istotna abnoŭlenyja pragramy. Naprykład, karol nacyjanalnaha ekstrymu «Znich» zajhraje niamała tvoraŭ z svajho apošniaha hučnaha relizu — alboma «Mroja» (2011). I akurat adtul ža čaroŭnaja pieśnia «Kalada-kaladzica», jakaja budzie najlepšaj prykmietaj takoha festu navat u mietalovaj viersii.

A «Stary Olsa» paśla alboma «Dryhula» nibyta i zamaŭčaŭ na paru hadoŭ, ale ž praca nie spyniałasia, tamu nastroj budučaha alboma prychilniki siaredniaviečnaj muzyki zmohuć adčuć užo na Kalady.

Nu, a «Litvin Troll», jak viadoma, heta paprostu abciažarany «Stary Olsa», bo niamała muzykaŭ pracujuć na abodva kalektyvy. Pieśni debiutnaha alboma stali top-chitami mnohich plebiscytaŭ (svaje «Pachnie čabor», «Dubrova», «Kupalinka», mižnarodnyja «Pan Manelih», «Breaking The Law»), tamu kirunak pracy nad budučym albomam možna budzie adčuć taksama na hetych Kaladach.

Kamientary da artykuła