Festy i kirmašy na pravasłaŭnaje Rastvo ŭ Minsku

6.01.2012 / 11:07

Raskład mierapryjemstvaŭ na 6–8 studzienia.

6 i 7 studzienia z 12.00 da 14.00 kaladnaje śviata dla dziaciej i baćkoŭ projdzie ŭ skviery pa praśpiekcie haziety «Praŭda».

Rajonnaje śviata «Kalady» 7 studzienia pačniecca ŭ 13.00 u Minskim zaaparku (vuł. Taškienckaja, 44). Rajonny kaladny kirmaš projdzie z 12.00 da 15.00 na płoščy kala kinateatra «Salut» (pr. Rakasoŭskaha, 150a).

Kaladnaje śviata ŭ mikrarajonie Sokał pačniecca 7 studzienia ŭ 13.00 na placoŭcy kala handlovaha kompleksu (vuł. Baramzinaj, 10a). Dziciačy ranišnik «Kaladnyja žarty» 7 studzienia projdzie z 13.00 da 15.00 u Centralnym dziciačym parku imia Horkaha.

Kaladnaja prahrama z udziełam samadziejnych kalektyvaŭ rajona 7 studzienia pačniecca ŭ 11.00 u pasiołku Aziaryšča. Kulturna-zabaŭlalnaja prahrama i kaladny kirmaš adbuducca z 10.00 da 16.00 7 studzienia na placoŭcy la Minskaha ladovaha pałaca sportu (vuł. Prytyckaha, 27). 8 studzienia z 12.00 da 15.00 tam ža adbudziecca falkłornaje śviata «Pryjšła Kalada!».

7 i 8 studzienia va ŭsich rajonach stalicy projduć kaladnyja kirmašy.

Centralny ahulnaharadski kirmaš z udziełam pierapracoŭčych arhanizacyj, pradpryjemstvaŭ-vytvorcaŭ Hrodzienskaj vobłaści, rybhasaŭ respubliki i handlovych pradpryjemstvaŭ stalicy adbudziecca 7–8 studzienia z 09.00 da 16.00 kala Pałaca sportu (pr. Pieramožcaŭ, 4). Budzie prapanavany raznastajny asartymient tavaraŭ ad vytvorcaŭ: miasa i miasnyja paŭfabrykaty, kaŭbasnyja vyraby i vendžanina, małočnaja pradukcyja, syry, chlebabułačnyja i kandytarskija vyraby, sažałkavaja i aziorna-račnaja ryba, a taksama suvieniry, padarunki i mnohaje inšaje biez handlovaj nacenki. Pakupnikoŭ čakajuć dehustacyi i zabaŭlalnaja prahrama.

Akramia hetaha, 15 studzienia na terytoryi Doma miłasernaści (vuł. Skaryny, 11) u 12.00 pačniecca tradycyjnaje kaladnaje śviata «Duchoŭnaść siamji — dabrabyt hramadzian».

Čytajcie taksama:

Kamientary da artykuła