Nasta Niakrasava źbiraje prychilnikaŭ u Małoj zale k/z «Minsk»

Unikalny hołas z hurtu FolkRoll.

Maładaja biełaruskaja folk-śpiavačka, što ciapier vučycca i žyvie ŭ Polščy, 3 lutaha daść solny kancert u Małoj zale k/z «Minsk».

Hurt FolkRoll, što ŭtvaryŭsia ŭ 2008 hodzie jak sumiesny prajekt vakalistki Nasty Niakrasavaj dy kampazitara i hitarysta Paŭła Ryžkova, užo zajmieŭ niemały pośpiech, vystupajučy na mižnarodnych folk-festach. Sama Nasta ciapier žyvie ŭ Polščy, dzie vučycca ŭ Varšaŭskim instytucie muzykałohii, adnak adlehłaść nie pieraškodziła muzykam vypuścić mocny albom, natchniony narodnaj muzykaj. «Vir» vypuščany ŭ Polščy, a prezientacyja dla minskich prychilnikaŭ prajšła ŭ Biełarusi ŭvosień.

Nasta taksama zadziejničanaja ŭ R.U.T.A. — supolnym prajekcie polskich muzykaŭ, jakija adnavili archaičnyja narodnyja pieśni ź Biełarusi, Rasii, Ukrainy. Da słova, na hetym tydni hurt atrymaŭ pieramohu ŭ prestyžnaj premii Paszporty Polityki.

Ciapier śpiavačka z kalehami FolkRoll źbiraje starych i novych prychilnikaŭ u Małoj zale k/z «Minsk».

Cana kvitkoŭ: 30 000–40 000 bieł.rubloŭ.

KZ «Minsk»: vuł. Kastryčnickaja, 5 (st. mietro Pieršamajskaja).

Teł. dla daviedak: +37529 254 49 09 (mts), +37529 671 58 65 (vełkom).

Kamientary da artykuła