Duda idzie, dudzie — darohu

«Śviata dudy» ŭ formie tura pa Biełarusi — 26–28 studzienia.

Duda apošnim časam pretenduje na viartańnie zvańnia ŭsienarodna lubimaha muzyčnaha instrumienta — na im imknucca hrać usie: ad padletkaŭ da biznesoŭcaŭ. Dudu možna pačuć na vialikich kancertach, a možna i vypadkova na vulicy — dudary, jakija vychodziać ihrać dziela dušy zaŭždy źbirajuć vakoł siabie nievialiki natoŭp.

26–28 studzienia dudary adpraviacca ŭ mini-tur pa Biełarusi, z majstar-kłasami pa tancach, vystavaj pra historyju dudy, i, naturalna, z kancertami. Ciapier kab pačuć najlepšych dudaroŭ Biełarusi nie abaviazkova jechać na vialiki kancert u Minsku.

Što? Dzie? Kali?

26 studzienia. Minsk. Małaja zała KZ “Minsk”. Kancert "Lehiendy Vialikaha Kniastva — staražytnaja ziamla”. Śviata dudy z hurtami: Testamentum Terrae, Brevis, Cornucopia, . Irdorath folk band, siaredniaviečny vuličny teatr «Šalmoŭski Teatr Dy Hryza», Hurt histaryčnaha tanca «Fłamieja», Škoła histaryčnaha tanca «Załaty dvor». U prahramie taksama ++ rycarskija bai ad «Minskaj Unii «Mieč i Voran» i inš. Pačatak a 19.00. Kvitki ad 30000 da 50000. Daviedki pa t.: (29) 649-08-88, (17) 328-66-38. Usim naviednikam — kampakt-dysk u padarunak.

27 studzienia. Brest. HKC. Śviata dudy z hurtami “Stary Olsa” i “Testamentum Terrae”. Daviedki pa t.: (29) 313-98-60. Kvitki -- 30000 rub.

28 studzienia. Homiel. HCK. Śviata dudy z hurtami “Stary Olsa” i “Testamentum Terrae”. Daviedki pa t.: (29) 672-03-52. Kvitki ad 25000 da 45000 rub.

Što takoje duda?

Duda isnuje ŭ šmatlikich varyjantach amal va ŭsich jeŭrapiejskich narodaŭ — ad kłasičnaj šatłandskaj vałynki da ekzatyčnych indyjskich instrumientaŭ. Duda — duchavy jazyčkovy instrumient, jaki zhadvajecca ŭ starabiełaruskaj litaratury ŭžo z XV stahodździa. Vyrab jaje ličyŭsia spravaj sakralnaj. U XIX stahodździ duda stała adnym z samych papularnych biełaruskich instrumientaŭ. Zaraz duda pieražyvaje sapraŭdnaje adradžeńnie.

Kamientary da artykuła